[color=green]
رايتك يحسين !!
رايتك يحسين فوك المشرعه
طايحه ويمها الجفوف امكطعه
اجفوف ابو فاضل المحد ودعه
طاح حاضن رايتك بحضانه
طاح حاضن رايتك بحضانه
-----
رايتك يحسين طاحت والكمر
ابكربله طفوه احفاد الكفر
رايتك طاحت بعد شنهو العذر
بعد بيش انزامط العادانه
بعد بيش انزامط العادانه
-----
خويه يا عباس يابو المرجله
اتكفلتني من المدينه الكربله
وعفت اختك حايره بالعايله
وجا منهتم كون انته اويانه
جا منهتم كون انته اويانه
-----
جيت اعاتب ياشهم يبن الشهم
اشلون عفت اختك اسيره اويه الزلم
وسكتت من شفت بعيونك سهم
السهم عينك كَلبي وج باحزانه
السهم عينك كَلبي وَج باحزانه
----
اشلون يا زين الزلم اختك تعوف
اميسره ومحيره ابيوم الطفوف
ادري ما انسبي لو بيدك جفوف
امكطعه اجفوفك عذرتك انه
امكطعه اجفوفك عذرتك انه
----
أه لو بيدي يبو فاضل تكوم
على السابينه تدوس اعله الخشوم
وحدك انته ولو صلت صاحوا هجموم
كلها ضنت حيدره ويانه
كلها ضنت حيدره ويانه
---
يا اخو المثلك الضحه الخوته
رفض يشرب ماي ناره ابجبدته
امكطعه اجفوفه ولا ذب رايته
النهر بيده وجبدته عطشانه
النهر بيده وجبدته عطشانه
---
اشلون حال احسين ضلمت دنيته
من لكه ابدمك انصبغت رايته
صِدك ويه اعداه قلت حيلته
بعد بيمن ينتخي العدوانه
بعد بيمن ينتخي العدوانه
----
شبل حيدر والنعم ماكصرت
صلت بيهم صول للمي من رحت
انكسر ضهر احسين من شافك طحت
ويا يزيد اتباشر ابفرسانه
يايزيد اتباشر ابفرسانه
----
امكطعه اجفوفك يبن حامي الحمه
وبالحشر بيهن تطالب فاطمه
اتريد حقهن تسأل الرب السمه
اهناك يندم كل بشر عادانه
هناك يندم كل بشر عادانه
خادم اهل البيت ع
حسين الساعدي